Motto 2017: Belaef mit ós 't Vastelaovescircus

Sponsore

Ut kultuurgood vastelaovend is onverbraekelik verbónde mit Venlo en dus ouk mit Venlo-Zuud. In de venlo-zuudse gemeinschap neemp vastelaovesvereiniging Boëte de Paort sins de oprichting in 1972 ein neet mièr weg te dinke plaats in.

Vastelaovesvereiniging Boëte de Paort steit al jaore gerant veur vastelaovend in Venlo-Zuud. De vereiniging telt mièr dan 260 leeje en is nog altièd greujende. Vuuël vreejwilligers zette zich jaorliks in um alle minse binne, maar ouk boëte, de gemeinschap te laote geneete van ut kultuurgood vastelaovend.  Jónk en alt, krank en gezónd, rièk en erm, idderein geneet mit.

Vanzelfspraekend geit ut organisere van de nuuëdige aevenemente gepaard met oétgaves. Um alles te kinne bekostige haole weej maondeliks in gans Venlo-Zuud alt pepeer op en perbeere weej op mièrdere meniere  aan inkómste te kómme.

Um der veur te zörge det, ouk in de toekóms, ut kultuurgood en de kwaliteit van vastelaovend in en boëte Venlo-Zuud gewaarborg blief, kinne weej óg finansjele steun gebroeke.  Op dit mement hebbe weej twieë opties um ós te steune:

Golde Paort Sponsor
Zilvere Paort Sponsor
Bronze Paort Sponsor

Ziet geej geinteresseerd? Neem dan kontak op met ós Werving & Sponsoring kemmissie.  D’r besteit netuurlik ouk de meugelikheid um inkel te adverteere in ós hoesorgaan. De Werving & Sponsoring kemmissie wil óg ouk heej gaer alles euver vertelle as geej daor behoefte aan heb. Kiek oèt niejsgierigheid maar ens in de letste oetgaaf van ós hoesorgaan in ut onderdeil interaksie van dees site.

Weej haope det geej op dees wiès neet allein vastelaovesvereiniging Boëte de Paort wilt óndersteune, maar det geej ouk kinnis kint en wilt make mit de vastelaovend zoeëas dae in Venlo-Zuud door ós vereiniging wuurt georganiseerd.

Weej zoele ut ein ièr vinde um óg as adverteerder of sponsor te meuge begroete!

Mit vrintelikke vastelaovesgroet,

v.v. Boëte de Paort
W&S Kemmissie
Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Truuk nao baove