PAORTERSGILDE”

Inkele jaore geleeje is door v.v. Boëte de Paort ’t Paorters Gilde in ’t laeve geroope. Ut bestuur is van meining det ’t belangriek is det de kinnis en de ervaring, waat betref de vastelaovend behalde mót blieve maar ouk doorgegaeve.

 

D’r wuuërd vuuël gespraoke euver deze groep “aldere” manne binne de vereiniging, maar wat doon ze eigelik?

Ièrs mót d’r waat rech gezatte waere, ’t klop det d’r manne van wat hoeëgere laeftied in zitte maar det geld ouk andersum, manne van jongere laeftied. Ein dink hebbe zeej gemein en det is un behuurlike staot van deens binnen de vereiniging. Minse met ein Boëte de Paort hert waat ouk nog op de gooije plaats zit.

Truuk nao de vraog, tja, waat doon ze. Zeej gaeve ’t bestuur gevraog en ongevraog advies euver de gank van zake binne de vereiniging maar ouk euver onderwerpe van algemeine aard mit raakvlakke aan de vastelaovend. Idder jaor vergadere zeej veer kier waovan twieë kier met ’t algemein bestuur. Daonaeve helpe zeej wao nuuëdig of gewins. Dus beej lange nao neet waat ’t bestuur en de kemmissies aan werk verzitte maar waallich net de juuste aanvulling veur de gooije balans.

Wilt geej mier weite euver ’t Paorters Gilde dan kint geej altied ein van de leeje daonao vraoge.

Op dit ougenblik besteit ’t Gilde oét 18 aktieve persoëne en det zien:

 

Bert Titulaer Marco Faessen
Will Huijs Herm Hinssen
Wim Lensen jr Eric Ronckers
Fred Holkamp Cris Hinssen
Arno Monnens John Lammen
Henk Kool Ben Houkes
Jack Massa Peet Zoet
Ad Marcelissen Luc Vissers
Ton Knapen Maurice Ronckers

Hiere van verdeenste die in ’t verleeje ouk deil hebbe oétgemak van ’t Gilde zien:

Jan Schouren † | Jeu Beerens † | Frans Klaassen † | Wim Lensen Sr.† | Paul Schreurs †| Guus Schrivers †| Hay van Haandel † | André Hinssen †| Huub Zwambag † | Willem Willemsen † | Nico Plug † | Nico Wijnans †